पछिल्लो २४ घण्टामा थप ६३८ जनामा कोरोना पुष्टि, १७१ जना डिस्चार्ज

टुडेपाटी-
जनकपुरधाम, साउन २७ गते ।

मंगलबार नेपालमा थप ६३८ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डाक्टर जागेश्वर गोतमले देशभरका विभिन्न प्रयोगशालामा गरिएको परीक्षणमा ६३८ जना कोरोना संक्रमित थपिएको जानकारी दिए ।

योसँगै नेपालमा कोरोना संक्रमितको संख्या सङ्क्रमित २३ हजार ९४८ पुगेको छ भने सक्रिय संक्रमितको संख्या ७ हजार २०१ रहेको छ ।

Sponsored

प्रवक्ता गौतमका अनुसार पछिल्लो २४ घण्टामा थप १७१ जना कोरोना संक्रमित उपचारपछि निको भएर घर फर्केका छन् । योसँगै नेपालमा कोरोना भाइरसबाट मुक्त हुनेको संख्या १६ हजार ६६४ पुगेको छ ।