समुदायमै कोरोना फैलिएपछि सर्लाहीमा भोलिदेखि लकडाउन

टुडेपाटी-
जनकपुरधाम, साउन २५ गते ।

कोरोनाको जोखिम बढेपछि सर्लाही जिल्लामा भोलिदेखि लकडाउन गर्ने निर्णय गरेको छ । जिल्ला प्रशासन कार्यायलमा आइतबार बसेको सर्वपक्षीय तथा जिल्ला सुरक्षा समितिको बैठकले सोमबारदेखि लकडाउन गर्ने निर्णय गरेको जिल्ला प्रशासन कार्यालय सर्लाहीले जनाएकाे छ ।

सर्लहीमा हालसम्म कोरोना संक्रमितको सख्या ८ सय १० पुगेको छ । यस्तै कोरोना संक्रमणबाट एकजनाको मृत्यु भइसकेको छ ।

समुदायमै कोरोना फैलिसकेकाले स्थानीय प्रशासन ऐन,२०२८ तथा संक्रामक रोग ऐन, २०२० बमोजिम एक हप्ताको लागि लकडाउन गर्ने निर्णय गरेको जिल्ला प्रशासन कार्यालय सर्लाहीले जनाएको छ ।

सर्लाहीका प्रमुख जिल्ला अधिकारी सरेन्द्र पौडेलको अध्यक्षतामा बसेको बैठकले लकडाउन गर्ने निणर््य भएको हो । जिल्लाको भारतसंगका सबै सीमा नाकामा कडाई गर्ने, क्वारेन्टाइनमा बसेकाहरुलाई स्वाब चेक गरी मात्र घरजान दिने, समाजिक दुरी पालना, भीडभाड हुन नदिने लगायतको निर्णय गरेको हो ।

लकडाउनको पाल्ना गर्न गराउन सबै स्थानीय पालिका, राजनैतिक दल, नागरिक समाज लगायत सबै पक्षलाई जिल्ला प्रशासन कार्यालयले आग्रह गरेको छ ।