जिल्ला प्रहरी कार्यालय पर्साका ४४ थुनुवालाई कोरोना, प्रदेश २ मा थपिए १७९ जना

टुडेपाटी-
जनकपुरधाम, साउन २३ गते ।

पछिल्लो २४ घण्टामा प्रदेश २ मा ३१ महिलासहित १७९ जनामा कोरोना संक्रमण पुष्टि भएको छ । पर्सामामा सबभन्दा बढी १९ महिलासहित १३३ जना रहेको प्रदेश २ स्वास्थ्य निर्देशनालयले जनाएको छ ।
पर्सामा फेला परेको नयाँ संक्रमित मध्ये जिल्ला प्रहरी कार्यालय पर्साका मात्र ४४ जना थुनुवा र १ नेपाल प्रहरीका जवान गरी ४५ जना रहेका छन् ।

यस्तै सप्तरीमा १८ जना, धनुषामा १० जना, सर्लाहीमा ९ जना, रौतहटमा ४ जना र बारामा १ जनामा कोरोना संक्रमण पुष्टि भएको निर्देशनालयले जनाएको छ ।

Sponsored

यससंगै प्रदेश २ मा कोरोना संक्रमितको संख्या ५ हजार ५१४ पुगेको छ भने कोरोनाबाट हालसम्म २५ जनाको मृत्यु भइसकेको निर्देशनालयले जनाएको छ ।