प्रदेश २ मा एकैदिन थपिए २२७ कोरोना संक्रमित, कहाँ कति फेला परे ?

टुडेपाटी-
जनकपुरधाम, साउन २१ गते ।

प्रदेश २ मा एकैदिन २ सय २७ जना कोरोना संक्रमित भेटिएका छन् । नयाँ संक्रमित फेला पर्नेमा ४१ जना महिला छन् ।

पछिल्लो २४ घण्टामा पर्सामा मात्रै सबैभन्दा बढी १४७ जनामा कोरोना संक्रमण भेटिएको छ । जसमा २९ जना महिला रहेको स्वास्थ्य निर्देशनालय प्रदेश २ का जनस्वास्थ्य प्रशासक विजय झाले जानकारी दिए ।

यस्तै धनुषामा २३ जना, सर्लाहीमा १९ जना, बारामा १९ जना, महोत्तरीमा १४ जना, सिरहामा ४ जना र सप्तरीमा १ जनामा कोरोना संक्रमण पुष्टि हो ।

यो संगै प्रदेश २ मा कोरोना संक्रमितको संख्या ५ हजार २ सय ७२ पुगेको छ । बुधबार सम्म प्रदेश २ मा कोरोना संक्रमणबाट २१ जनाको मृत्यु भइसकेको छ ।