धनुषामा हावाहुरीको बेला ट्याक्टरको ठक्करबाट एक महिलाको मृत्यु

टुडेपाटी-
जनकपुरधाम, जेठ १२ गते ।

सोमबार साँझ हावाहुरी आएको बेला नुषामा ट्याक्टरको ठक्करबाट एक महिलाको ज्यान गएको छ । सबैला नगरपालिका १२ रघुनाथपुरकी ४२ बर्षिय सुमित्रा देवी साह तेलीको मृत्यु भएको इलाका प्रहरी कार्यालय सबैलाले जनाएको छ ।

साँझ हावाहुरी आएको बेला हतारहतार खेतबाट फर्किरहेकी सुमित्रालाई नम्बर नखुलेको ट्रयाक्टरले ठक्कर दिँदा उनको घटनास्थलमै मृत्यू भएको स्थानीयले बताएका छन् ।

Sponsored

ट्याक्टर तिव्रगतिमा रहेको कारण सुमित्रालाई ठक्कर दिइएको स्थानीयको भनाइ छ । ठक्करदिने ट्याक्टर चालक स्थानीय सम्भु सदालाई प्रहरीले पक्राउ गरको र शवलाई पोस्टमार्टमको लागि प्रादेशिक अस्पताल जनकपुरमा ल्याइएको प्रहरीले जनाएको छ ।