सप्तरीमा छिमेकीको कुटाइबाट घाइते भएका सुविलालको मृत्यु

टुडेपाटी-
सप्तरी, जेठ ११ गते ।

सप्तरीमा जग्गाको विषयमा छिमेकीसँग विवादमा परी कुटपिट भएपछि घाइते भएका एकजानको मृत्यु भएको छ । सप्तरीको महदेवा गाउँपालिका १ का ८० वर्षीय सुविलाल यादवको मृत्यु भएको हो ।

सप्तरीका प्रहरी उपरीक्षक कृष्ण प्रसाईँका अनुसार गत वैशाख १३ गते जग्गासम्बन्धि विवाद भएको थियो । सो विवादका क्रममा कुटपिट हुँदा उनको टाउको र खुट्टामा गम्भीर चोट लागेपछि उनलाई गजेन्द्रनारायाण सिंह अस्पताल राजविराजमा उपचारका लागि भर्ना गरिएको थियो ।

Sponsored

वैशाख २७ गते अस्पतालले उनलाई डिस्चार्ज गरेपछि घरमै औषधि खाएर उपचार गराइरहेको अवस्थामा यादवको मृत्यु भएको एसपी प्रसाइँले बताए । उनको शवलाई परीक्षणका लागि बिपी कोइराला स्वास्थ्य विज्ञान प्रतिष्ठान धरान पठाइएको छ । घटनाबारे थप अनुसन्धान भइरहेको तथा कुटपिटमा संलग्न रहेकाको खोजीकार्य भइरहेको जिल्ला प्रहरी कार्यालय सप्तरीले जानकारी दिएको छ ।