जनकपुरधाममा छिमेकीको मोटरसाइकल चोरी गरेर भाग्दै गर्दा एकजना पक्राउ

टुडेपाटी–
जनकपुरधाम, भदौ ३१ गते ।

जनकपुरधाममा छिमेकीको मोटरसाइकल चोरी गरेर भाग्दै गर्दा एकजना पक्राउ परेका छन् ।

पक्राउ पर्नेमा जनकपुरधाम उप–महानगरपालिका २ किशोरी नगरका २२ वर्षीय आकाश कुमार झा रहेको प्रहरीले जनाएका छन् ।

शनिबार विहान किशोरी नगर स्थित मदरटेरेसा स्कुल नजिकबाट सुरेश तिवारीको घरभित्र पार्किङ गरी राखिएको लु ६८ प ०६७६ नम्बरको डिस्कभर मोटरसाइकल झाले लैजाँदै गर्दा वडा प्रहरी कार्यालय रेल्वेबाट खटेको प्रहरी टोलीले नियन्त्रणमा लिएको प्रहरीले जनाएका छन् ।

यस सम्बन्धमा थप अनुसन्धान भइरहेको धनुषा प्रहरीले जनाएका छन् ।