निजामति सेवा दिवसको अवसरमा धनुषामा एकसय भन्दा बढीले गरे रक्तदान

टुडेपाटी–
जनकपुरधाम, भदौ २१ गते ।

निजामतिसेवा दिवस २०८० को अवसरमा अधिकृत संगम धनुषाको आयोजनामा जिल्ला प्रशासन कार्यालय परिसरमा अधिकृतसंगमको भवन अगाडी बृहत्त रक्तदान कार्यक्रम सम्पन्न भएको छ ।

रक्तदान कार्यक्रममा संगमका संरक्षक प्रमुख जिल्ला अधिकारी चक्र पाणी पाण्डे, अधिकृत संगमका अध्यक्ष एवं सहायक प्रमुख जिल्ला अधिकारी अनुज भण्डारी, बरिष्ठ उपाध्यक्ष अजय कुमार झा, प्रहरी उपरीक्षक विश्वराज खड्का, प्रहरी नायव उपरीक्षक वेदप्रसाद गौतम, संगमका सदस्य प्रेम पराजुली, रामबाबु ठाकुर निजामति कर्मचारीहरु, सामाजिक अभियन्ताहरु, सुरक्षा निकायका सुरक्षा कर्मी गरेर सहितका १ सय ६ जनाले रक्तदान गरेका छन् ।

रक्तदान जीवन दान मूल नारा सहित भएको रक्तदान कार्यक्रममा स्वतः स्फूर्त रुपमा पनि केही व्यक्तिहरुले रक्तदान गर्नु भएको थियो । रक्तदान कार्यक्रममा उत्साह जनक सहभागिता रहेको थियो ।

दुई दिने निजामति सेवा दिवसको अवसरमा भोली विहान जनकपुरधामको प्रभातफेरिका साथै जनकपुरधामको वडा नंं ४ मा रहेको विसहरा पोखरीको डिलमा बृक्षारोपण गर्ने कार्यक्रम रहेको छ ।