मधेश प्रदेशः पत्रकारमाथि क्रसरका कर्मचारीद्वारा हातपात, ३ जना पक्राउ

टुडेपाटी–
रौतहट, भदौ ५ गते ।

रौतहटमा पत्रकार राकेश यादवमाथि स्थानीय क्रशर उद्योगका कर्मचारीले हातपात गरेका छन् ।

सोमबार दिउँसो १२ बजेतिर रिपोर्टिङका क्रममा रौतहटको बृन्दावन नगरपालिकामा रहेका क्रशरहरुको भिडियो छायांकन गर्दा यादवमाथि तीन जनाले हातपात गरेको उनले बताएका छन् ।

उनीहरुले यादवको क्यामरासमेत फुटाइदिएका छन् ।

चिकित्सकका अनुसार पत्रकार यादवको छातीमा रगत जमेको छ ।

हातपात गर्ने महोत्तरीको बर्दिवास बस्ने राजदेव ठाकुर, रौतहटको बृन्दाबन बस्ने राधेश्याम यादव र सर्लाहीको बरहथवा बस्ने महेश चौधरी रहेका उनले बताए ।

पत्रकार यादवको किटानी जाहेरीका आधारमा उनीहरु तीनै जनालाई प्रहरीले नियन्त्रणमा लिएको छ ।

यादव हिमालय टेलिभिजनमा कार्यरत्त छन् ।