सञ्जालको आयोजनामा युवाहरुले गरे रक्तदान

टुडेपाटी–
जनकपुरधाम, साउन २९ गते ।

जिल्ला युवा सञ्जाल धनुषाले अन्तराष्ट्रिय युवा दिवसमा विभिन्न तीन चरणमा मनाइरहेको कार्यक्रम अन्तरगर्त रक्तदान गरी मनाएको छ ।

सञ्जाल र स्पर्श नेपालको अगुवाईमा ३० जनाले रक्तदान गरेको सञ्जालका अध्यक्ष कुलदिप साहले जानकारी दिए । सञ्जाल र स्पर्श नेपाल लगायत विभिन्न संस्थाका प्रतिनिधिहरुले रक्तदान गरेका हुन् ।

अध्यक्ष साहले जिल्लामा विरामीहरुलाई रगतको अभाव भइरहेकाले आफुहरु युवा दिवसको अवसरमा रक्तादान कार्यक्रमको आयोजना गरी रगत संकलनमा सहयोग पुर्याएको बताए ।

‘दिगो बिकास लक्ष्य प्राप्तिमा युवाको साथः नवप्रवर्तन र उधमशिलतामा हरित सीप बिकास’ मुल नाराका सञ्जालको अगुवाईमा जनकपुरधाममा तीन चरणमा कार्यक्रमको आयोजना गरी मनाइएको हो ।

पहिलो चरणमा पहिलो दिन दिप प्रज्वलन गरिएको थियो भने आज रक्तदान कार्यक्रम गरिएको र मंगलबार सचेतनामूलक कार्यक्रम गरिने अध्यक्ष साहले बताए ।