अवैध बालुवा उत्खनन गर्ने दुई ट्र्याक्टर धनुषा प्रहरीको नियन्त्रणमा

टुडेपाटी–
जनकपुरधाम, साउन २८ गते ।

अवैध बालुवा उत्खनन गर्ने दुई ट्र्याक्टरलाई धनुषा प्रहरीले नियन्त्रणमा लिएको छ ।

गएराति पौने १२ बजेको समयमा मिथिला नगरपालिका १० स्थित रातो नदीमा अवैध रूपमा उत्खनन गरिरहेको अवस्थामा दुईवटा ट्र्याक्टर नियन्त्रणमा लिएको जिल्ला प्रहरी कार्यालय धनुषाले जनाएको छ ।

इलाका प्रहरी कार्यालय ढल्केवरबाट खटेको प्रहरी टोलीले अवैध उत्खनन कार्यमा संलग्न ज १ त ७८७७ र ज १ त ५९८८ नम्बरको ट्र्याक्टर नियन्त्रणमा लिएको प्रहरी प्रवक्ता वेदप्रसाद गौतमले जानकारी दिए ।

ट्र्याक्टरलाई नियन्त्रणमा लिई इलाका प्रहरी कार्यालय ढल्केवर धनुषामा ल्याई थप अनुसन्धान भइरहेको धनुषा प्रहरीले जनाएको छ ।