कृतिम हात खुट्टाको लागि सिरहामा नापजाँच शिविरको आयोजना हुँदै

टुडेपाटी–
जनकपुरधाम, साउन २६ गते ।

नेपाल राष्ट्रिय मारवाडी युवा संगठनले शारीरिक रुपले अस्वस्थ्य रहेका व्यक्तिका लागि कृतिम हात खुट्टा लगाउने उदेश्यले नापजाँच सिविरको आयोजना गर्न लागेको छ ।

मारवाडी युवा संगठनद्वारा आयोजित तथा नारायण सेवा संस्थान उदयपुर, भारतको प्राविधिक सहयोगमा कोशी प्रदेशको झापाको बिर्तामोडमा र मधेश प्रदेशको सिराहाको लहानमा सिविरको आयोजना हुन लागेको सिरहा कार्यक्रम संयोजक रुपेश खेतानले जानकारी दिए ।

उनका अनुसार भदौ २४ गते मारवाडी सेवा सदन, लाहान नगरपालिका ७ मा सिविर सञ्चालन हुने छ ।

यस्तै, बिर्तामोडमा भदौ २२ गते सञ्चालन हुने कार्यक्रम तय भएको छ ।

उक्त शिविरमा नारायण सेवा संस्थान उदयपुरबाट आएका प्राविधिकहरु द्वारा शारीरिक रूपले अस्वस्थ (हातखुट्टा नभएका) व्यक्तिहरुको कृतिम अंग निर्माण का लागि नापजाँच गरिनेछ।

शिविर पूर्णत निःशूल्क रहने खेतानले जानकारी दिए । कृतिम अंग भारतको उदयपुरमा निर्माण हुने र निर्माण गर्न डेढ दुई महिनाको समय लाग्ने र निर्माणपश्चात् वितरण हुने उनले जानकारी दिए ।