डेन्टल एसोसिएशन धनुषाको अध्यक्षमा डा. निमु यादव निर्वाचित, प्रतिस्पर्धीले पाए केवल १ मत

टुडेपाटी-
जनकपुरधाम, साउन २२ गते ।

नेपाल डेन्टल एसोसिएशन धनुषाको अध्यक्षमा डा. निमु यादव निर्वाचित भएकी छन् । नव नेतृत्व चयनको लागि आज भएको निर्वाचनमा डा. यादव ४७ मत प्राप्त गरि अध्यक्ष पदमा निर्वाचित भएकी हुन् ।

अर्का अध्यक्ष पदका उम्मेदवार डा. रामसरोज साह केवल १ मत मात्र प्राप्त गरे । 

Sponsored

निर्वाचन समितिका निर्वाचन अधिकृत डा. अशोक सिंहका अनुसार डेन्टल एसोसिएशन, धनुषा शाखामा ५६ जना मतदाता रहेकोमा ४८ जनाले मात्र मतदान गरेका थिए । समितिका अन्य पदाधिकारी निर्विरोध चयन भएका छन् ।
उपाध्यक्षमा डा. अनिस कुमार साह, सचिवमा डा. राम पदारथ यादव, कोषाध्यक्षमा डा. अमृता पाण्डे, सह-सचिमा  डा. जगदीप साह निर्वाचित भएको निर्वाचन समितिले जनाएको छ ।