धनुषा र महोत्तरीका शिवालयहरुबाट एकसाथ समरसको ‘संस्कृति रक्षा’ उद्घोष

टुडेपाटी-
जनकपुरधाम, साउन २२ गते ।

समरस नेपाल नामक संगठनले “संस्कृति रक्षा उद्घोष” कार्यक्रम सम्पन्न गरेको छ ।

‘सेवा, संस्कृति सुरक्षा’ उदेश्यसहित श्रावण महिनाको पवित्र सोमवारका दिन आज महोत्तरी र धनुषाको बाह्र महादेव मठहरुमा समरस नेपालका सदस्यहरुले सनातनी नाराहरु लगाएका छन् ।

उनीहरु महोत्तरीको पाटु कपिलेश्वर महादेव, टूटेश्वरनाथ महादेव, मगरथाना मंगलनाथ महादेव, पंचधूरा माई स्थान, जलेश्वरनाथ महादेव र पवित्र स्थल मटिहानीको साथै धनुषाको जनकपुरधाम, प्रानेश्वरनाथ ईटहर्वा, औरही, सतोषर महादेव, धनुषाधाम र क्षिरेश्वरनाथ महादेव महेन्द्रनगर सहितका स्थानमा एकसाथ र एकै समयमा संस्कृति रक्षा उद्घोष गरेका हुन् ।

सनातनी धर्म, मूल्य, मान्यताको मर्म संरक्षणार्थ समरसले माथि उल्लेखित क्षेत्रहरुमा बढ्दै गएको धर्मान्तरणलाई ध्यानमा राखी यो जाग्रण अभियानको अनुष्ठान गरिएको समरसका संयोजक चन्दन दुबेले बताए ।