मधेश प्रदेशः सवारी दुर्घटनामा एकजनाको मृत्यु

टुडेपाटी–
सर्लाही, साउन २१ गते ।

सर्लाहीमा सवारी दुर्घटनामा परेर एकजनाको मृत्यु भएको छ ।

सर्लाहीको बरहथवा नगरपालिका–९, सोल्टी मोडमा भएको सवारी दुर्घटनामा रौतहटको चन्द्रपुर नगरपालिका–१, मङ्गलपुर बस्ने ३७ वर्षीय सुमन सहनीको मृत्यु भएको प्रहरीले जनाएका छन् ।

नयाँरोडबाट बरहथवातर्फ जाँदै गरेको ना १ ज २८४९ नम्वरको म्याजिक र विपरीत दिशाबाट आउँदै गरेको ना २० प ५१७९ नम्वरको मोटरसाइकल आपसमा ठोक्किंदा मोटरसाइकल चालकको मृत्यु भएको हो ।

शनिबार साँझ भएको दुर्घटनामा गम्भीर घाइते भएका सहनीलाई उपचारका लागि नमूना अस्पताल हरिवन ल्याउँदा चिकित्सकले मृत घोषणा गरेको इलाका प्रहरी कार्यालय बरहथवाले जनाएको छ ।

दुर्घटनामा मोटरसाइकल पछाडि सवार सिरहाको मिर्चैया नगरपालिका १, बस्ने २७ वर्षीया चन्देश्वरी महरा गम्भीर घाइते भएकी छन् ।

यस सम्बन्धमा थप अनुसन्धान भइरहेको बरहथवाका प्रहरी नायब उपरीक्षक लीलाराज लामिछानेले जानकारी दिए ।