मधेश प्रदेशः पोलमा बाँधेर मान्छे कुट्ने पक्राउ

टुडेपाटी–
रौतहट, साउन १७ गते ।

रौतहटमा पोलमा बाँधेर मान्छे कुटेको आरोपमा प्रहरीले एक जनालाई पक्राउ गरेको छ ।

पक्राउ पर्नेमा ३८ वर्षीय साजिद अन्सारी रहेका छन् ।

गत साउन १४ गते गौर नगरपालिका–३ पोखरिया टोल स्थित मस्जिद छेउवामा एक जना मानिसलाई अन्सारीले पोलमा बाँधी कुटपिट गरेका थिए । कुटपिटको भिडियो मिडिया र सामाजिक सञ्जालमा भाइरल भएपछि प्रहरीले कुटपिट गर्नेको खोजी सुरु गरेको थियो ।

प्रहरी नायब उपरीक्षक उमाशंकर प्रसाद यादवका अनुसार अन्सारीलाई म्याद थप गरी अनुसन्धान भइरहेको छ ।