साहले बालबालिकालाई शैक्षिक सामग्रीसहित झोला वितरण गरेर मनाए जन्मदिन

टुडेपाटी-
जनकपुरधाम, साउन ७ गते ।

मिथिला चित्रकला कलाकारका रुपमा परिचित अजित साहले आफ्नो जन्मदिन बालिबालिकालाई झोला वितरण गरी मनाएका छन् । शनिबार आफ्नो जिन्मदिनको अवसर पारेर उनले युवाहरु मार्फत जनकपुरको दुधमती स्थित समामुदायिक विद्यालयमा अध्ययनरत्त विपन्न समुदायका २२ बालबालिकालाई शैक्षिक सामग्री तथा झोला वितरण गरेका हुन् ।

शिक्षामा प्रोत्साहन गर्ने उद्देश्यले जन्मदिनमा झोला तथा शैक्षिक सामग्री वितरण गरेको साहले बताए । उनले युवाहरु अशोक साह, ईन्द्रजीत महतो, आनन्द सहनी लगायतको समन्वय गरी झोला बाँडेका हुन् ।
जनकपुरधाम घर भएका साह हाल अमेरिका बस्छन् । तीन दशकदेखि मिथिला चित्रकलाको काम गर्दै आएका उनी राष्ट्रिय तथा अन्तराष्ट्रिय विभिन्न पदक तथा सम्मान प्राप्त गरेका छन् ।

Sponsored