धनुषामा अबैध रुपमा बालुवा उत्खनन् गर्ने ३ वटा ट्याक्टर नियन्त्रणमा

टुडेपाटी–
जनकपुरधाम, साउन ५ गते ।

धनुषा प्रहरीले अबैध रुपमा बालुवा उत्खनन् गर्ने ३ वटा ट्याक्टर नियन्त्रणमा लिएको छ ।

शुक्रबार बिहान इलाका प्रहरी कार्यालय ढल्केवर र प्रहरी चौकी पोर्ताहाबाट संयुक्त रुपमा खटिएको प्रहरी टोलीले गणेशमान चारनाथ नगरपालिका वडा नं. ५ कमला खोलामा अबैधरुपमा उत्खनन् कार्यमा संलग्न तीनवटा ट्याक्टर नियन्त्रणमा लिएको जिल्ला प्रहरी कार्यालय धनुषाले जनाएको छ ।

प्रहरीले प्र २–०१–००१ त १५७६, प्र २–०२–००१ त ११५७ र अनटेस्ट ट्याक्टर नियन्त्रणमा लिएको हो ।

यस सम्बन्धमा थप अनुसन्धान भइरहेको जिल्ला प्रहरी कार्यालय धनुषाले जनाएको छ ।