कोशीमा खसेको ट्रक बाहिर निकालियो

टुडेपाटी–
सप्तरी, असार ३० गते ।

सप्तकोशी नदीमा खसेको मालवाहक ट्रक शनिबार निकालिएको छ । शुक्रबार बससँग ठोक्किएर कोशीमा खसेको मे १ ख ३००७ नम्बरको मालवाहक ट्रक निकालिएको हो ।

क्रेनको सहयोगमा ट्रक नदीबाट निकालिएको हो । ट्रक निकाल्ने क्रममा केही बेर ब्यारेज पुलमा आवागमन रोकिएको थियो ।

कोशी ब्यारेजको पुलको १० नम्बर ढोकाअगाडि ट्रक सप्तकोशी नदीमा खसेको थियो ।

ट्रकमा सवार तीनजनालाई सकुशल उद्धार गरिएको थियो।