राराब क्याम्पस नजिकबाट मोटरसाइकल चोरी गरेर भाग्दै गर्दा एकजना पक्राउ

टुडेपाटी–
जनकपुरधाम, असार २९ गते ।

रामस्वरुप रामसागर बहुमुखी (राराब) क्याम्पस नजिकबाट मोटरसाइकल चोरी गरेर भाग्दै गर्दा एकजना पक्राउ परेका छन् ।

पक्राउ पर्नेमा नगराईन नगरपालिका ८ बस्ने ३८ वर्षीय कृष्ण कुमार मिश्र रहेको जिल्ला प्रहरी कार्यालय धनुषाले जनाएको छ ।

बुधबार दिउँसो राराब क्याम्पसको गेट नजिक पार्किङ गरिराखेको ज ५ प ४७५७ नम्बरको मोटरसाइकल लाँदै गर्दा सोही ठाउँमा खटेको प्रहरीको विशेष टोलीले शंकाको आधारमा लखेट्दै जाँदा जनकपुरधाम २० नोचापोखरी स्थित मिश्रलाई निन्त्रणमा लिई सोधपुछ गर्दा मास्टर कि प्रयोग गरी लगेको खुलेको प्रहरी प्रवक्ता प्रहरी नायव उपरीक्षक वेदप्रसाद गौतमले जानकारी दिए ।

प्रहरीले निजबाट अर्को ज ४ प ७७२२ नम्बरको मोटरसाइकल समेत बरामद गरेको र अनुसन्धानको क्रममा सोही दिन अर्को ज ५ प ९५६१ नम्बरको मोटरसाइकल राराब क्यापस स्थितबाटै चोरी भएकोले उनले नै मोटरसाइकल चोरी गरेको हुन सक्ने भएकाले थप अनुसन्धान थालेको प्रहरी प्रवक्ता गौतमले जानकारी दिए ।