मधेश प्रदेश : हत्या आरोपमा श्रीमान पक्राउ

टुडेपाटी-
सप्तरी, असार२० गते ।

श्रीमतीको हत्या आरोपमा सप्तरीमा एक जना पक्राउ परेका छन्। 

जिल्लाको सम्भुनाथ नगरपालिका-५ मोहनपुरका ३२ वर्षीया किरणकुमारी चौधरीको हत्या भएको प्रहरीले जानकारी दिएको छ।

मंगलबार दिउँसो उनी कोठामा बेहोस अवस्थामा भेटिएकी थिइन्।

उनलाई तत्काल उपचारका लागि कठौनास्थित कृष्ण अस्पताल पुर्‍याइएपनि उनलाई  चिकित्सक मृत घोषणा गरेका थिए ।

अस्पतालमा किरणको मृत्यु भएपछि उनका श्रीमान् ईनरदेव चौधरी मंगलबार नै पक्राउ परेका थिए। 

सामान्य सोधपुछका क्रममा उनले श्रीमतीमाथि कुटपिट गरेको थाहा पाएपछि उनलाई पक्राउ गरिएको सप्तरी प्रहरीले जनाएको छ।

घटनाबारे थप अनुसन्धान भइरहेको प्रहरीले जानकारी दिएको छ।