धनुषामा १७ वटा पुरुष पीडितको घटना दर्ता

टुडेपाटी–
जनकपुरधाम, बैशाख २४ गते ।

धनुषामा पछिल्लो समय पुरुष पीडितको हुने घटना बढेको छ । चालु आर्थिक वर्षको ९ महिनामा धनुषामा पुरुष पीडितको १७ वटा उजुरी परेको हो ।

जिल्ला प्रहरी कार्यालय धनुषाका अनुसार घरेलु हिंसा अन्तरगत चैत मसान्तसम्ममा कुल ५६४ वटा उजुरी परेकोमा १७ वटा पुरुष पीडितको उजुरी परेको हो । जसमा ७ वटामा सहमती भएको हो ।

यस्तै, चालु आवको चैत मसान्तसम्ममा कुटपिटको २६० वटा उजुरी परेको छ ।

यस्तै घरेलु हिंसा अन्तरगत खानालाउन नदिएको ६६ वटा उजुरी, घर निकाल ५०, घाकधम्की ४१, दाइजो सम्बन्धि १, गालीगलौज सम्बन्धि ८२, विवाद दर्ता, नागरिकता, जन्मदर्ता सम्बन्धि ३९ वटा उजुरी परेको हो ।