मधेश प्रदेश : आगलगीमा परेर एकजना घाइते

टुडेपाटी–
सप्तरी, चैत २८ गते ।

सप्तरीमा आगलागीमा परेर जलेर एकजना घाइते भएका छन् ।

मंगलबार बिहान जिल्लाको कञ्चनरुप नगरपालिका १ बैरवामा आगलागी हुँदा एक घर जल्नुका साथै एक जना सख्त घाइते भएका छन् ।

आफ्नै घरमा खाना पकाउने क्रममा स्थानीय विनय खंगको चुल्होबाट सल्केको आगोले उनको घर जलेर नष्ट भएको हो ।

सो क्रममा बाँधिएको बाछालाई खोल्न जाँदा घरधनी विनय खंग जलेर सख्त घाइते भएका छन् ।

उपचारका लागि खंगलाई बीपी कोइराला स्वास्थ्य विज्ञान प्रतिष्ठान धरान पठाइएको ईलाका प्रहरी कार्यालय कञ्चनपुरका डीएसपी दीपक रायले जानकारी दिए ।

कञ्चनरुप नगरपालिकाको वारुणयन्त्र, सुरक्षाकर्मी र स्थानीय बासिन्दाको सहयोगमा आगो नियन्त्रणमा लिइएको डीएसपी रायले बताए ।