मधेश प्रदेश : उद्योग वाणिज्य संघका अध्यक्ष हजारी मृत फेला

टुडेपाटी–
सर्लाही, चैत ४ गते ।

सर्लाहीको गोडैतास्थित उद्योग वाणिज्य संघका अध्यक्ष उपेन्द्र हजारी मृत फेला परेका छन् ।

शनिबार अपराह्न रहर रोपेको खेतमा हजारी मृत अवस्थामा फेला परेका हुन् ।

शुक्रबार साँझ गोडैता–७ स्थित घरबाट समान्य अवस्थामा हिँडेका हजारीको शव शनिबार अपराह्न रहर खेतमा लडेको अवस्थामा देखेपछि स्थानीयले प्रहरीलाई खबर गरेका थिए ।

४५ वर्षीय हजारीको मुखबाट रगत आइरहेको अवस्थामा शव फेला परेको र घटनास्थलमा अनुसन्धानका लागि प्रदेश प्रहरी कार्यालयबाट तालिमप्राप्त कुकुर पनि मगाएको प्रहरी उपरीक्षक नरेशराज सुवेदीले जानकारी दिए ।