परिक्रमा आज दोश्रो दिन कल्ना प्रस्थान

टुडेपाटी-
जनकपुरधा, फागुन ९ गते ।

मिथिला माध्यमिकी परिक्रमा आज दोश्रो दिन भारत स्थित कल्नाको लागि प्रस्थान गरेको छ । पहिलोदिन सोमबार राति जनकपुरको हनुमाननगरमा बिश्राम गरेका परिक्रमा यात्री आज बिहानैदेखि कल्नाको लागि प्रस्थान गरेका हुन् ।

साधु सन्त, किशोरी तथा बिहारी जीको डोलाका साथमा हजारौ श्रद्धालु तथा भक्तजनहरुको टोली भारतको कल्ना जाँदै छन् । कल्ना पुगेपछि पोखरीमा स्नान गरी कल्याणेश्वर भगवानलाई पुजा पाठ गर्नेछन् । र रात्रीकालीन बिश्राम पनि आज कल्नामा नै गर्नेछन् ।
त्यसपछि भोलि बिहानै परिक्रमा भारतकै गिरिजा स्थान फुलहर प्रस्थान गर्नेछन् ।

सोमबार धनुषाको कचुरीको मठबाट मिथिला बिहारीजीको डोला र जनकपुरको रत्नसागर स्थित मठबाट रामजानकीको डोलालाई विधिवत रूपमा निकाली १५ दिने मिथिला माध्यमिकी परिक्रमा सोमबारबाट प्रारम्भ भएको हो ।

भोली गिरिजास्थान, फुलहर हुँदै मठिहानी, जलेश्वर, मडै, धु्रवकुण्ड, कञ्चनवन, पर्वता, सतोषर, औरही, बिशौल हुँदै पुनः कल्ना पुगी १५ औं दिनमा परिक्रमा टोली जनकपुर आउनेछन् । त्यसपछि जनकपुरमा अन्तगृह परिक्रमासँगै परिक्रमा समापन हुनेछ । त्यसको भोलिपल्ट जनकपुरमा होली खेल्ने समेत परम्परा रहेको छ ।