मधेश प्रदेश : लागूऔषध गाँजासहित तीनजना पक्राउ

टुडेपाटी–
सिरहा, फागुन ८ गते ।

प्रतिबन्धित लागूऔषध गाँजासहित सिरहाबाट तीनजना पक्राउ परेका छन् ।

पक्राउ पर्नेमा सिरहाको मिर्चैया नगरपालिका ६ बस्ने ४६ वर्षीय कुशेश्वर यादव, धनगढीमाई नगरपालिका १४ बस्ने ३६ वर्षीय गौरव शाही र २४ वर्षीय काले भन्ने भुपेन्द्र बहादुर ठकुरी रहेको जिल्ला प्रहरी कार्यालय सिरहाले जनाएको छ ।

मिर्चैया ६ कटारी चोक स्थित अवैध लागूऔषध गाँजा बिक्री वितरणको लागी लैजादै गरेको भन्ने गोप्य सूचनाको आधारमा ईलाका प्रहरी कार्यालय मिर्चैया सिरहा र लागूऔषध नियन्त्रण ब्युरो सिरहाबाट खटेको संयुक्त प्रहरी टोलीले तीनैजनालाई नियन्त्रणमा लिएको प्रहरी प्रवक्ता प्रहरी नायव उपरीक्षक रविन्द्रराज पाण्डेले जानकारी दिए ।

प्रहरीले उनीहरुले बोकेको कालो झोलाबाट अवैध लागूऔषध गाँजा १० किलो ५ सय ग्राम बरामद गरेको छ ।

यस सम्बन्धमा थप अनुसन्धान भइरहेको जिल्ला प्रहरी कार्यालय सिरहाले जनाएको छ ।