मधेश प्रदेश : सडकमा खेली रहेका बच्चालाई बँचाउन खोज्दा टेम्पू पल्टियो, ८ जना घाइते

टुडेपाटी-
जनकपुरधाम, फागुन ८ गते ।

सप्तरीमा सडकमा खेलीरहेका बच्चालाई बँचाउन खोज्दा टेम्पू दुर्घटना भएको छ ।

आइतबार राती सप्तरीको बोदेबर्साइन नगरपालिका २ जोगिया स्थित बिसनपुर बोदेबर्साइन सडक खण्डमा उत्तरबाट दक्षिणतर्फ आँउदै गरेको प्र.२-०१-००१ ह १०१५ नम्बरको टेम्पु बाटोमा खेलिरहेको २ वटा बच्चालाइ बचाउने क्रममा अनियन्त्रित भई दुर्घटनामा परेको जिल्ला प्रहरी कार्यालय सप्तरीले जनाएको छ ।

दुर्घटनामा परेर ८ जना घाइते भएको प्रहरी प्रवक्ता प्रहरी नायव उपरीक्षक नरेशकुमार सिंहले जानकारी दिए ।

टेम्पो दुर्घटना हुँदा बोदेबर्साइन ५ जाजर बस्ने ४० वर्षीया सैफुल, वडा नं.१० खडकपुर बस्ने ३० वर्षीय दशरथ ठाकुर, वडा नं.७ हैठि बस्ने ३५ वर्षीया फुलकुमारी राम, टेम्पु चालक खडक नगरपालिका ८ बिशनपुर बस्ने २४ वर्षीय कृष्ण चौधरी, बोदेबर्साइन ८ काचन बस्ने ८ वर्षीय कृष्ण साह, वडा नं.९ देउरी बस्ने ३८ वर्षीय गौरी देवी साह, ३९ वर्षीय योगेन्द्र प्रसाद साह र वडा नं.८ काचन बस्ने १५ वर्षीया बुचि कुमारी साह घाइते भएका छन् ।