मधेश प्रदेश : दुर्घटनामा घाइते भएका युवकको मृत्यु

टुडेपाटी–
सर्लाही, माघ २६ गते ।

सर्लाहीमा सवारी दुर्घटनामा घाइते भएका एक युवकको मृत्यु भएको छ ।

जिल्लाको पर्सा गाउँपालिकामा ५ दिनअघि मोटरसाइकल दुर्घटनामा परेर गम्भीर घाइते भएका युवकको उपचारको क्रममा मृत्यु भएको सर्लाही प्रहरीले जनाएका छन् ।

गत शुक्रबार राति हुलाकी सडक अन्तर्गत पर्सा गाउँपालिका–५ मा ज ७ प ३९२ नम्वरको मोटरसाइकल सडक छेउमा रोकीराखेको ट्याक्टरको ट्रलीमा गएर ठोक्किँदा घाइते भएका हरिपूर्वा नगरपालिका ५ का ३० वर्षीय कन्हैया झाको मृत्यु भएको हो ।

झाको उपचारका क्रममा बुधबार राति न्यूरो अस्पताल बारामा मृत्यु भएको प्रहरी उपरीक्षक नरेशराज सुवेदीले बताए ।

यस्तै, सोही दुर्घटनामा घाइते हरिपूर्वाकै राजीव महतो र मलंगवाका प्रवीण झाको न्यूरो अस्पताल बारामा उपचार भइरहेको प्रहरीले जनाएका छन् ।