मधेश प्रदेश : मोटरसाइकल दुर्घटनामा युवकको मृत्यु

टुडेपाटी-
जनकपुरधाम, माघ २५ गते ।

सर्लाहीमा मोटरसाइकल दुर्घटनामा परेर एकजनाको मृत्यु भएको छ ।

बुधबार सर्लाहीको कबिलासी नगरपालिका ७ सिरसिया रायस मिल छेउमा नवलपुर मलंगवा सडक खण्डमा मलंगवाबाट नवलपुरतर्फ जाँदै गरेको प्र.२-०३-००९ प ७९१५ नम्बरको मोटरसाइकल दुर्घटना हुँदा एक युवकको मृत्यु भएको जिल्ला प्रहरी कार्यालय सर्लाहीले जनाएको छ ।

मोटरसाइकल आफै अन्यन्त्रीत भई बाटोको साईडमा रहेको सिमेन्टको पिलरमा ठोकिन्न जाँदा कबिलासी ९ सलेम्पुर बस्ने २७ वर्षीय डिकेश रायको मृत्यु भएको प्रहरी प्रवक्ता प्रहरी नायव उपरीक्षक बिजय श्रेष्ठले जानकारी दिए ।

पोष्टमार्टम भएपछी शव परिवारको जिम्मा लगाइएको तथा यस सम्बन्धमा थप अनुसन्धान भइरहेको जिल्ला प्रहरी कार्यालय सर्लाहीले जनाएको छ ।