मधेश प्रदेश : वृद्धाको कुटपिट गरी हत्या

टुडेपाटी–
सिरहा, माघ २४ गते ।

सिरहामा १९ वर्षीय युवकले ७० वर्षीया वृद्धालाई कुटपिट गर्दा वृद्धाको मृत्यु भएको छ ।

जिल्लाको नवराजपुर गाउँपालिका ४ नयाँ नहरनिया टोल बस्ने ७० वर्षीय सुभकलाल यादवको कुटपिट गरी हत्या भएको हो ।

प्रहरीले हत्या अभियोगमा सोही ठाउँका १९ वर्षीय राधेश्याम यादवलाई सोमबार राति पक्राउ गरेको छ।

सुभकलालको नाति र राधेश्यामबीच भएको झैझगडा छुट्याउने क्रममा सुभकलाललाई कुटपिट भएको थियो। कुटपिटबाट गम्भीर घाइते भएकी उनको प्रादेशिक अस्पताल लहानमा उपचारका क्रममा मृत्यु भएको हो।

यस घटनाबारे थप अनुसन्धान भइरहेको सिरहा प्रहरीले जनाएको छ ।