मधेश प्रदेश : ठूलो परिमाणमा लागूऔषधसहित दुई युवक पक्राउ

टुडेपाटी–
पर्सा, माघ २२ गते ।

प्रहरीले ठूलो परिमाणमा लागूऔषधसहित पर्साबाट दुईजनालाई पक्राउ गरेको छ ।

७ सय १६ बोतल लागुऔषधसहित पर्साको जगरनाथपुर गाउँपालिका–१ का २० बर्षीय अयुब असरफ र वीरगञ्ज महानगरपालिका–२ छपकैयाका २८ बर्षिय ईजहार आलमलाई पक्राउ गरेको जिल्ला प्रहरी कार्यालय पर्साले जनाएको छ ।

प्रहरीले वीरगञ्ज–१६ रजतजयन्ती चोकमा चेकजाँचको क्रममा दुबैजनालाई पक्राउ गरेको छ ।

ना २ च ७९०५ नम्बरको सुमो गाडीलाई चेकजाँच गर्दा गाडीको बर्नट भित्र सेतो प्लास्टिकको बोराभित्र लुकाइ छिपाइ ल्याएको प्रतिबन्धित लागूऔषध ओनेरेक्स ७ सय १६ बोतल बरामद गरिएको पर्साका प्रहरी प्रबक्ता निर्मल बुढाथोकीले जानकारी दिए।

यस सम्बन्धमा थप अनुसन्धान भइरहेको जिल्ला प्रहरी कार्यालय पर्साले जनाएको छ ।