दुई वर्षीय छोरालाई पेट्रोल छर्की जलाएर हत्या, श्रीमती गम्भीर

टुडेपाटी-
बाँके, माघ १६ गते ।

बाँकेमा एब युवकले आफ्नो दुई वर्षीय छोरालाई पेट्राले छर्केर जलाएर हत्या गरेका छन् । श्रीमती भने गम्भीर घाइते भएकी छन् ।

कोहलपुर नगरपालिका २ शक्तिनगरका ३० वर्षीय भानुभक्त विकले आइतबार अपराह्न पाँच बजेतिर श्रीमती गंगा र छोरा प्रिन्सलाई पेट्रोल छर्किएर जलाएका थिए । त्यसपछि भारततर्फ भागेका उनलाई प्रहरीले गएराति साढे १ बजेतिर नियन्त्रणमा लिएर कारबाही प्रक्रिया अघि बढाएको छ ।

Sponsored

जलेर गम्भीर घाइते भएका दुई वर्षीय बच्चा प्रिन्सको भेरी अस्पताल नेपालगञ्जमा उपचारको क्रममा आज बिहान ६ बजेर २० मिनेटमा मृत्यु भएको छ । भानुभक्तलाई भारतको नानपारा आसपासबाट नियन्त्रणमा लिएर अनुसन्धान तथा कारबाही प्रक्रिया अघि बढाएको जिल्ला प्रहरी कार्यालय बाँकेका प्रवक्ता डीएसपी रामप्रसाद घर्तीमगरले जानकारी दिए ।