राष्ट्रिय बाणिज्य बैंकको ५८ औं वार्षिकोत्सबमा जनकपुरमा प्रभातफेरी

टुडेपाटी-
जनकपुरधाम, माघ ७ गते ।

राष्ट्रिय बाणिज्य बैंक लिमिटेडको ५८ औं वार्षिकोत्सबको अवसरमा जनकपुरधाममा प्रभातफेरी गरि मनाइएको छ ।
राष्ट्रिय बाणिज्य बैंकको प्रादेशिक कार्यालय अन्तर्गत जनकपुर वरपरका धनुषाको जनकपुरधाम, पीडारीचौक, महेन्द्रनगर, महोत्तरीको पीपरा र बलवाको संयुक्त आयोजनमा शनिबार बिहान प्रभातफेरी गरिएको हो ।

जानकी मन्दिर प्रांगणबाट प्रभातफेरी सुरु भइ जनकपुरको विभिन्न भागको परिक्रमा गरी भनुचोक स्थित कार्यालयमा पुगेर सम्पन्न भएको थियो । सो कार्यक्रमको संयोजकमा कृष्णप्रसाद पौडेल, सदस्यहरु कृष्णदेव प्रसाद पाल, सुरेश मण्डल, सुमितकुमार ठाकुर र दिनेश रजक लगायत बैंकका कर्मचारीहरुको सहभागीता थियो ।

Sponsored