महोत्तरीमा आलुको गोदामबाट लाखौँको चोरी

टुडेपाटी–
महोत्तरी, असोज १४ गते ।

महोत्तरीमा आलु गोदामबाट लाखौँको चोरी भएको छ । जिल्लाको गौशाला नगरपालिका स्थित बजारमा संचालित साह ट्रेडर्सबाट बिहीबार राति लाखौं रुपैयाँको चोरी भएको हो ।

रामबाबु साहले सञ्‍चालनमा ल्याएको आलु गोदाममा चोरी भएको हो । पसल बन्द रहेको कोठाको माथिल्लो तल्लामा सुतिरहेको समयमा चोरले पसलबाट नगद १ लाख २५ हजार रुपैयाँ चोरी गरिएको पीडितलाई उदृत गर्दै प्रहरीले जनाएको छ ।

चोरले मोटरसाइकलको ब्लु बुक, नागरिकता, बैंकको चेक समेत चोरी गरिएको इलाका प्रहरी कार्यालय गौशालाले जनाएको छ ।

घटनाको सम्बन्धमा थप अनुसन्धान भइरहेको इलाका प्रहरी कार्यालय गौशालाका प्रहरी निरीक्षक रन्जन मिश्रले जानकारी दिए ।