धनुषामा ब्राउन सुगरसहित युवक–युवती सशस्त्र प्रहरीको फन्दामा

टुडेपाटी–
जनकपुरधाम, असोज १० गते ।

सशस्त्र प्रहरीले धनुषाबाट ब्राउन सुगरसहित युवक र युवतीलाई नियन्त्रणमा लिएको छ ।

बिदेह नगरपालिका १ महिनाथपुर स्थित भारतबाट नेपाल तर्फ आउदै गरेका युवक युवतीलाई हेलमेटमा ब्राउन सुगर राखेको अवस्थामा नियन्त्रणमा लिएको छ ।

पक्राउ पर्नेमा सिरहाको कर्जना नगरपालिका ३ थाना चौक बस्ने २३ वर्षीय महादेव मण्डल र कर्जना २ बन्दीपुर छगरिया बस्ने १९ वर्षीया अस्मिता खत्री रहेको सशस्त्र प्रहरी बलले जनाएको छ ।

भारतबाट नेपाल तर्फ आउँदै गरेको स ६ प ८०८६ नम्बरको मोटरसाइकललाई शंकाको आधारमा चेकजाँत गर्दा मण्डलले लगाएको हेलमेटबाट १६.८५ ग्राम ब्राउन सुगर बरामद भएको हो ।

आवश्यक कारवाहीका लागि पक्राउ परेका दुबैजनालाई ईलाका प्रहरी कार्यालय खजुरीमा बुझाइएको छ ।