महोत्तरी : घाँस काटन गएकी महिला मृत फेला

टुडेपाटी–
महोत्तरी, असोज ८ गते ।

महोत्तरीमा घाँस काट्न गएकी एक महिला मृत अवस्थामा फेला परेकी छिन् ।

जिल्लाको मट्टिहानी नगरपालिका १ सानो धिरापुर निवासी मोहम्मद असरारुल अंसारी कि अन्दाजी ४० वर्षीया श्रीमती अमना खातुन मृत अवस्थामा फेला परेकी हुन ।

अमना शुक्रवार घास काटन जंगल गएकी थिइन । महिलाको शव घरबाट झण्डै एक किलोमिटर दूरीमा रहेको खोईर भन्ने स्थानको बासघारीमा फेला परेको प्रहरीले जनाएको छ ।

महिलाको शरीरभरी चोट र रक्ताम्मे देखिएको हुदा कसैले बीभत्स हत्या गरेको हुन सक्ने प्रहरीको प्रारम्भिक अनुमान छ ।
यस सम्बन्धमा थप अनुसन्धान भइरहेको महोत्तरीका एसपी कृष्ण पंगेनीले बताए ।