धनुषामा छोराले गरे आमाको हत्या

टुडेपाटी-
जनकपुरधाम, भदौ ३१ गते ।

धनुषामा आमाको हत्या गरेको आरोपमा छोरा पक्राउ परेका छन् ।

जिल्लाको सबैला नगरपालिका वडा ५ मखनाहाका २१ वर्षीय मनोज खत्वेलाई आमाको हत्या गरेको आरोपमा प्रहरीले शुक्रबार बिहान पक्राउ गरेको छ । 

खत्वेले ३६ वर्षीया आमा सिकिलिया देवी खत्वेको हत्या गरेको प्रहरीले जनाएको छ ।  घरायसी विवादमा खत्वेले आमाको टाउकोमा प्रहार गर्दा उनको घटनास्थलमै मृत्यु भएको थियो । 

हत्याको खबर प्राप्त हुनासाथ इलाका प्रहरी कार्यालय सबैलाबाट खटिएको प्रहरीले उनलाई पक्राउ गरेको हो ।