मधेश प्रदेश : मोटरसाइकलको ठक्करबाट पैदलयात्रीको मृत्यु

टुडेपाटी–
बारा, भदौ १२ गते ।

मोटरसाइकलको ठक्करबाट बारामा पैदल यात्रीको मृत्यु भएको छ ।

बाराको जितपुर सिमरा उपमहानगरपालिका–३ बजनी चोकमा हिजो साँझ पैदलयात्रीलाई ठक्कर दिएर मोटरसाइकल पल्टिदा एक जनाको मृत्यु भएको हो । यस्तै दुई जना घाइते भएका छन् ।

पैदलयात्री पर्साको वीरगञ्ज महानगरपालिका–१० रानीघाटका ४५ वर्षीय शम्भु साहको मृत्यु भएको हो । उपचारका लागि अस्पताल लैजादै गर्दा उनको बाटोमै मृत्यु भएको हो ।

दुर्घटनामा घाइते भएका मोटरसाइकलमा सवार दुई जनाको सिमरा स्थित अल्पाइन अस्पतालमा उपचार भइरहेको इलाका प्रहरी कार्यालय सिमराले जनाएको छ ।