श्रीमतीको हत्या आरोपमा श्रीमान पक्राउ

टुडेपाटी-
काठमाडौं, भदौ ११ गते ।

श्रीमतीको हत्या आरोपमा प्रहरीले झापाबाट एकजनालाई नियन्त्रणमा लिएको छ ।

जिल्लाको झापा गाउँपालिका -६ स्थित चन्द्रबस्तीका ४० वर्षीय नाइके हास्दालाई पक्राउ गरिएको प्रहरीले जनाएका छन् ।

शुक्रबार राति १०: १० बजे ३५ वर्षीय श्रीमती तालामाईको कोखामा हतियार प्रहार गरेर हत्या गरेको झापा जिल्ला प्रहरी कार्यालयका प्रवक्ता वसन्त पाठकले जानकारी दिए ।

श्रीमतीको हत्या गरी फरार भएका उनलाई आज बिहान ८ बजे नेपाल–भारत सीमा नजिकै कचनकवल–१ बाट पक्राउ गरिएको हो ।

यस सम्बन्धमा थप अनुसन्धान भइरहेको प्रहरीले जनाएका छन् ।