मधेश प्रदेश : ४० वर्षीया महिलाको बलात्कार गरेको आरोपमा एकजना पक्राउ

टुडेपाटी–
सिरहा, साउन ७ गते ।

एक महिलामाथि बलात्कार गरेको आरोपमा सिरहामा प्रहरीले एक जनालाई पक्राउ गरेको छ।

पक्राउ पर्नेमा जिल्लाको अर्नमा गाउँपालिका २ ब्रहमपुरीका ४५ वर्षीय कालेश्वर महतो कोईरी रहेको जिल्ला प्रहरी कार्यालय सिरहाले जनाएको छ ।

शनिबार बिहान प्रहरीले उनलाई पक्राउ गरेको हो।

कोईरीले ४० वर्षीया महिलालाई बलात्कार गरेको भन्ने खबर प्राप्त भएको थियो।

खबरपछि ईलाका प्रहरी कार्यालय अर्नमाबाट खटिएको प्रहरीले उनलाई पक्राउ गरेको हो।

यस सम्बन्धमा थप अनुसन्धान भइरहेको सिरहा प्रहरीले जनाएका छन् ।