मधेश प्रदेश : स्कुटी आफै अनियन्त्रित भएर लड्दा एक महिलाको मृत्यु

टुडेपाटी–
जनकपुरधाम, साउन १ गते ।

सप्तरीमा स्कुटी आफै अनियन्त्रित भएर लड्दा एक महिलाको मृत्यु भएको छ ।

दुर्घटनामा परेर सप्तरीको शम्भूनाथ नगरपालिका १० बस्ने ३० वर्षीया राज कुमारी साहको मृत्यु भएको जिल्ला प्रहरी कार्यालय सप्तरीले जनाएको छ ।

शनिवार राति सप्तरीको राजगढ गाउँपालिका ५ मलेखपुर स्थित पत्थरगाढाबाट राजबिराज तर्फ जाँदै गरेको मधेश प्रदेश–०१–००४ प ३३४७ नम्बरको स्कुटीमा सवार एक आफै अनियन्त्रित भएर दुर्घटना भएको थियो ।

सो दुर्घटनामा घाइते भएकी साहलाई उपचारको लागी गजेन्द्र नारायण सिंह अस्पताल राजबिराज पठाइएकोमा थप उपचारको लागी बि.पि.कोईराला स्वास्थ्य बिज्ञान प्रतिष्ठान धरानमा चिकित्सकले मृत घोषणा गरेको प्रहरी प्रवक्ता प्रहरी नायव उपरीक्षक माधव प्रसाद काफ्लेले जानकारी दिए ।

इस सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।