जनकपुरबाट एक मिटरब्याजी पक्राउ

टुडेपाटी
जनकपुरधाम, असार २८ गते ।

जनकपुरबाट एक मिटरब्याजी पक्राउ परेका छन् ।

धनुषाको धनुषाधाम नगरपालिका ५ बस्ने ४१ वर्षीय सुरेश यादवलाई प्रहरीले पक्राउ गरेको हो ।

उनीसहित स्थानीय शिबशंकर साह लगायतले विभिन्न व्यक्तिहरूलाई पाँच गुणासम्मको कपाली तमसुक बनाई ऋण लगानी गरेको र सो वापत जग्गाजमिन राजिनामा पास गराई मिटर ब्याजमा ऋण दिने गरेको आरोपमा प्रहरीले यादवलाई पक्राउ गरेको हो ।

मिटरब्याजी यादवले सावा ब्याज लगायतको रकम भुक्तानी गरे पश्चात पनि ऋणीलाई कपाली तमसुक फिर्ता नगरी ब्याजको समेत ब्याज लिई ठगी गरेर फरार रहेक यादवलाई जनकपुरबाट पक्राउ गरेको जिल्ला प्रहरी कार्यालय धनुषाले जनाएको छ ।

पक्राउ परेका यादवमाथि ठगी मुद्दामा म्याद थप गरी थप अनुसन्धान कार्य गरिरहेको प्रहरीले जनाएको छ ।