जनकपुरबाट लागूऔषधसहित पक्राउ परे ‘चुनचुन’
टुडेपाटी-
जनकपुरधाम, जेठ १३ गते ।
जनकपुरबाट लागूऔषधसहित एक युवक पक्राउ परेका छन् ।
पक्राउ पर्नेमा धनुषाको लक्ष्मीनिया गाउँपालिका वडा नं. ३ बस्ने १९ वर्षीय चुनचुन सहनी छन् ।
Sponsored
बिहीबार मध्यराति जनकपुरधाम उपमहानगरपालिका १२ स्थित क्याम्पस चोकमा चेक जाँच गर्ने क्रममा जटहि तर्फबाट शंकास्पद रूपमा पैदल आउँदै गरेका उनलाई लागूऔषधसहित प्रहरीले पक्राउ गरेको जनाएको छ ।
उनको साथबाट प्रतिबन्धित नाइट्रोभेट ट्याबलेट २६ वटा, SPASMO-PROXYVON PLUS लेखिएको १२ वटा गरी ३८ वटा ट्याबलेट बरामद गरेको जिल्ला प्रहरी कार्यालय धनुषाले जनाएको छ ।
चुनचुनमाथि लागूऔषध शीर्षक मुद्दामा म्याद थप गरी थप अनुसन्धान कार्य गरिरहेको धनुषाका प्रहरी प्रवक्ता डिएसपी प्रदीपबहादुर क्षेत्रीले जानकारी दिए ।
Sponsored
