महोत्तरीबाट लागूऔषधसहित तीन युवक फन्दामा

टुडेपाटी-
जनकपुरधाम, बैशाख १५ गते ।

महोत्तरीबाट लागूऔषधसहित तीन युवक पक्राउ परेका छन् ।

पक्राउ पर्नेमा बर्दिबास नगरपालिका १४ स्थित सेन्ट्रल पोईन्ट स्कुल नजिक बस्ने २३ वर्षीय दिनेश साह, २४ वर्षीय पोटे भन्ने रामबाबु महतो र २३ वर्षीय चकु भन्ने जित बहादुर मगर छन् ।

तीनैजनालाई बुधबाबर राति १० बजेको समयमा सेन्ट्रल पोईन्ट स्कुल नजिकबाटै पक्राउ गरेको महोत्तरीका प्रहरी प्रवक्ता डिएसपी प्रकाश विष्टले जानकारी दिए ।

प्रहरीका अनुसार उनीहरुको साथबाट नाइट्रोभ्याट टेबलेट १२२ चक्की बरामद भएको छ ।

उनीहरुमाथि महोत्तरी जिल्ला अदालतबाट दिन ७ दिनको म्याद थप गरी ईलाका प्रहरी कार्यालय बर्दिबासमा राखेर थप अनुसन्धान गरिरहेको भएको ज्लिला प्रहरी कार्यालय महोत्तरीले जनाएको छ ।