पिकअपको ठक्करबाट धनुषामा एकजनाको मृत्यु

टुडेपाटी–
जनकपुरधाम, चैत २२ गते ।

पिकअपको ठक्करबाट धनुषामा एकजनाको मृत्यु भएको छ ।

रौतहटको चन्द्रनिगाहपुर नगरपालिका वडा नं. ५ का ५६ वर्षीय शेरबहादुर राईको मृत्यु भएको इलाका प्रहरी कार्यालय ढल्केवरले जनाएको छ ।

मंगलवार विहान धनुषाको मिथिला नगरपालिका–११, बाहुनमारास्थित विपि राजमार्गमा सिन्धुलीबाट बर्दिबासतर्फ जाँदै गरेको प्रदेश १–०२–००२ प नम्बरको पिकअपले विपरित दिशाबाट आउँदै गरेको बा ५२ प ५१३० नम्बरको मोटरसाइकललाई ठक्कर दिँदा मोटरसाइकल चालक राईको घटनास्थलमै मृत्यु भएको हो ।

दुर्घटनामा मृत्यु भएका राईको शवलाई पोष्टमार्टमका लागि जनकपुरधामस्थित प्रादेशिक अस्पतालमा पठाइएको छ । इलाका प्रहरी कार्यालय ढल्केवरका प्रहरी निरीक्षक प्रदिप सुवेदीले जानकारी दिए ।

ठक्कर दिने पिकअप र चाकल प्रहरीको नियन्त्रणमा रहेका छन् ।