प्रदेश २ : लागुऔषध सहित दुई युवक पक्राउ

टुडेपाटी–
सप्तरी, पुस २३ गते ।

प्रहरीले सप्तरीमा लागुऔषध सहित दुई युवकलाई पक्राउ गरेका छन् ।

पक्राउ पर्नेमा जिल्लाको विष्णुपुर–४ का २३ वर्षीय श्याम कुमार यादव र तिलाठी कोईलाडी–८ का २० वर्षीय प्रमानन्द महतो रहेको जिल्ला प्रहरी कार्यालय सप्तरीका प्रहरी प्रवक्ता प्रहरी नायव उपरीक्षक माधव प्रसाद काफ्लेले जानकारी दिए ।

दुवैजनालाई प्रहरीले राजगढ–६ बनैनिया बरदाही जाने भित्री सडक खण्डमा साइकलमा सवार भइ भारतबाट नेपाल तर्फ आउँदै गरेका युवकलाई शंकाको आधारमा चेकजाँच गर्दा लागुऔषध बरामद गरेको प्रवक्ता काफ्लेले बताए ।

दुवैजनाको साथबाट एसपीएम प्रोक्सिभन लेखिएको ४०८ थान क्याप्सुल, नाइट्रोभेट ४ थान र डाइलेक्स डिसी चारवटा बोतल बरामद गरिएको हो ।

दुवैजनामाथि लागु औषध मुद्दा शिर्षकमा मुद्दा दर्ता गरी सप्तरी जिल्ला अदालतबाट म्याद लिई थप अनुसन्धान थालेको जिल्ला प्रहरी कार्यालय सप्तरीले जनाएको छ ।