महोत्तरीमा मोटरसाइकल दुर्घटना हुँदा एकजनाको मृत्यु

टुडेपाटी–
महोत्तरी, पुस १७ गते ।

महोत्तरीमा मोटरसाइकल आफै अनियन्त्रित भएर दुर्घटना हुँदा एकजनाको मृत्यु भएको छ ।

महोत्तरीको बर्दिवास नगरपालिका–४ मा मोटरसाइकल दुर्घटना हुँदा सर्लाहीको ईश्वरपुर–४ भक्तिपुरका ४८ वर्षीय भुवनप्रसाद उपाध्यायको मृत्यु भएको इलाका प्रहरी कार्यालय बर्दिवासले जनाएको छ ।

शनिवार दिउँसो करिब ३ बजे पूर्व–पश्चिम राजमार्गमा माइस्थान चोक स्थित पूर्वबाट पश्चिमतर्फ जाँदै गरेको ज ६ प ८३४२ नम्बरको मोटरसाइकल अनियन्त्रित भएर दुर्घटना भएको हो ।

दुर्घटनापश्चात घाइतेलाई बर्दिबासस्थित शुभ–स्वस्तिक अस्पतालमा लगेकोमा चिकित्सकले मृत घोषणा गरेको प्रहरीले जनाएका छ ।