महोत्तरीमा पुनः दुईजनालाई बोक्सी आरोपमा मलमूत्र खुवाएर अमानवीय व्यबहार

टुडेपाटी-
जनकपुरधाम, कार्तिक १२ गते ।

महोत्तरीमा पुनः एक महिलासहित दुईजनालाई बोक्सी आरोपमा कुटपिट तथा मलमूत्र खुवाइएको घटना सार्वजनिक भएको छ ।

महोत्तरीको औरही नगरपालिका ९ अवलेशरामा ५० वर्षीया पुरुष र तिनका भाउजु ५५ वर्षीया भाउजूलाई बिहीबार साँझ बोक्सी आरोपमा कुटपीट गर मलमूत्र खुवाएको पीडितको आरोप रहेको प्रहरीले जनाएको छ ।

स्थानीयका अनुसार साँझ सबा ६ बजेको समयमा स्थानीय केहि महिलाको समूहले दुबैजनालाई कुटपिट गरी मलमूत्र खुवाएका हुन् ।

घटना लगतै इलाका प्रहरी कार्यालय रामगोपालपुरबाट खटेको प्रहरी टोलीले उद्धार गरुब्ी दुबैजनालाई स्थानीय स्तरमा उपचारको लागि भर्ना गरेको थियो ।

पीडित पुरुषको बायाँ आँखा र खुट्टामा चोट लागेको छ । घटनामा संलग्न मध्ये एकजनालाई पक्राउ गरेको महोत्तरीका प्रहरी उपरीक्षक दिनेश आचार्यले जानकारी दिए ।

उनले पीडितले जाहेरी दिएको आधारमा घटनामा संलग्नहरुलाई पक्राउ गरी कारबाही चलाउने बताए ।

पीडित र पक्राउ परेकालाई आज जिल्ला प्रहरी कर्यालय महोत्तरीमा ल्याउन लागिएको महोत्तरीका प्रहरी प्रवक्ता डिएसपी प्रकाश विष्टले जानकारी दिए । घटना विषयमा थप अनुसन्धान भइरहेको उनले बताए ।

यसअघि दशैंमा मात्रै महोत्तरीमा बोक्सी आरोपमा दुईवटा जघन्य अपराधको घटना भएको थियो । जसमा एकजनाम महिलाको देवरबाटै हत्या भएको थियो भने अर्कालाई मलमूत्र खुवाई अभद्र व्यवहार गरिएको थियो ।