धनुषामा खेत जोतिरहेको बेला ट्याक्टर पल्टिदा चालकको मृत्यु

टुडेपाटी-
जनकपुरधाम, असार ३० गते ।

धनुषामा आफैले चलाएको ट्रयाक्टर पल्टिदा एकजनाको मृत्यु भएको छ ।

मृत्यु हुनेमा मिथिला बिहारी नगरपालिका ६ बस्ने बर्ष ४० का मनोज साह रहेका छन् ।

धनुषाको लक्ष्मीनियाँ गाउँपालिका ७ लक्ष्मीनियामा बुधबार दिउँसो २ बजे खेतजोत्ने क्रममा आफैले चलाइरहेको ज १ त ७९०१ नम्बरको ट्रयाक्टर पल्टिदा ट्याक्टर चालक साहको मृत्यु भएको प्रहरीले जनाएको छ ।

धान खेत जोत्ने क्रममा खाडलमा फसेको ट्याकटर पछाडितिर पल्टेपछि चालक साह च्यापिएका थिए । च्यापिएर गम्भीर घाइते भएका साहको तत्कालै उपचारका लागि जानकी हेल्थ केयर जनकपुरमा पुर्याउँदा चिकित्सकले मृत घोषणा गरेका थिए ।

उनको शव पोस्टमार्टमका लागि प्रादेशिक अस्पताल जनकपुरमा राखिएको र घटना विषयमा थप अनुसन्धान भइरहेको प्रहरीले जनाएको छ ।