बारामा खेतमा काम गरिरहेका एक किसानको जंगली हात्तीले लियो ज्यान

टुडेपाटी-
बारा, असार १८ गते ।

बारामा जङ्गली हात्तीले खेतमा काम गरिरहेका एक किसानको ज्यान लिएको छ ।

बिहान साढे ८ बजेतिर खेतमा काम गर्न गएका बेला
कलैया उपमहानगरपालिका- २ अवधापुरका ४५ वर्षीय रामदेव पटेलको जंगली हातीले आक्रमण गरि ज्यान लिएको हो ।

बिहान धान रोपाईंका लागि खेतको आली मिलाउँदै गरेका बेला पटेललाई खेतछेउकै उखुबारीबाट अचानक निस्केको हात्तीले सुडँमा बेरेर थेचारेपछि उनी गम्भीर घाइते भएका थिए ।

उपचारको लागि अस्पताल लैजाँदै गर्दा उनको बाटोमै मृत्यु भएको बाराका प्रहरी प्रवक्ता प्रहरी नायव उपरीक्षक गौतम मिश्रले जानकारी दिए ।

पर्सा राष्ट्रिय निकुञ्जबाट निस्केको जंगली हातीले पटेलको ज्यान लिएको स्थानीयले बताएका छन् ।